ಮ್ಯಾಕ್ಸ್ ಮಂಜುಗೆ ಬಿಗ್ ಶಾಕ್.. ಬಿಗ್ ಬಾಸ್ ಫಿನಾಲೆಯಿಂದ ಮೊದಲ ಕಿಕ್ ಔಟ್‌!
ಕನ್ನಡದ ಬಿಗ್ ರಿಯಾಲಿಟಿ ಶೋ ಬಿಗ್ಬಾಸ್ ಸೀಸನ್ 11ರ ಗ್ರ್ಯಾಂಡ್ ಫಿನಾಲೆ ನಡೆಯುತ್ತಿದೆ. ಇದೇ ಹೊತ್ತಲ್ಲಿ ಟಾಪ್ 5 ಸ್ಥಾನದಲ್ಲಿದ್ದ ಸ್ಪರ್ಧಿಗಳು ಒಬ್ಬೊಬ್ಬರಾಗಿ ಬಿಗ್ಬಾಸ್ ಮನೆಯಿಂದ ಆಚೆ ಬರುತ್ತಿದ್ದಾರೆ. ಇದೀಗ ಬಿಗ್ಬಾಸ್ ಮನೆಯಿಂದ 4ನೇ ರನ್ನರ್ ಅಪ್ ಉಗ್ರಂ ಮಂಜು ಆಚೆ ಬಂದಿದ್ದಾರೆ.
ಹೌದು, ಬಿಗ್ಬಾಸ್ ಸೀಸನ್ 11ರ ಗ್ರ್ಯಾಂಡ್ ಫಿನಾಲೆ ಅದ್ಧೂರಿಯಾಗಿ ನಡೆಯುತ್ತಿದ್ದು, ಫಿನಾಲೆಗೆ ಬಂದ 6 ಜನರ ಪೈಕಿ ಭವ್ಯ ಗೌಡ ನಿನ್ನೆಯ ಸಂಚಿಕೆಯಲ್ಲಿ ಎಲಿಮಿನೇಟ್‌ ಆಗಿದ್ದರು. ಹೀಗಾಗಿ ಬಿಗ್ಬಾಸ್ ಮನೆಯಲ್ಲಿ ಐದು ಸ್ಪರ್ಧಿಗಳು ಉಳಿದುಕೊಂಡಿದ್ದರು. ಅದರಲ್ಲಿ ಮೋಕ್ಷಿತಾ ಪೈ, ತ್ರಿವಿಕ್ರಮ್, ಉಗ್ರಂ ಮಂಜು, ಹನುಮಂತ ಹಾಗೂ ರಜತ್ ಟಾಪ್ 5 ಸ್ಪರ್ಧಿಗಳಾಗಿ ಹೊರ ಹೊಮ್ಮಿದ್ದರು.
ಇದೀಗ ಅಚ್ಚರಿ ಎಂಬಂತೆ 119ನೇ ದಿನಗಳ ಕಾಲ ಬಿಗ್ಬಾಸ್ ಮನೆಯಲ್ಲಿ ಉಳಿದುಕೊಂಡಿದ್ದ ಮ್ಯಾಕ್ಸ್ ಮಂಜು ಕೊನೆಯ ಕ್ಷಣದಲ್ಲಿ ಆಚೆ ಬಂದಿದ್ದಾರೆ. ಹೀಗಾಗಿ ನಾಲ್ಕನೇ ರನ್ನರ್ ಅಪ್ ಆಗಿ ಉಗ್ರಂ ಮಂಜು ಬಿಗ್ಬಾಸ್ ಮನೆಯಿಂದ ಹೊರಬಂದಿದ್ದಾರೆ. ಇನ್ನೂ, ಉಗ್ರಂ ಮಂಜು ಒಬ್ಬ ಬಲಿಷ್ಠ ಬಿಗ್ ಬಾಸ್ ಸ್ಪರ್ಧಿಗೆ ಇರಬೇಕಾದಂತಹ ಎಲ್ಲಾ ಲಕ್ಷಣಗಳನ್ನು ಹೊಂದಿದ್ದ ಉಗ್ರಂ ಬಿಗ್ಬಾಸ್ ಶುರುವಾರದ ಆರಂಭದಲ್ಲಿಯೇ ಪಕ್ಕಾ ಫಿನಾಲೆ ಸ್ಪರ್ಧಿ ಎಂದು ವೀಕ್ಷಕರು ಗುರುತಿಸಿಕೊಂಡಿದ್ದರು.
ಉಗ್ರಂ ಮಂಜು ಮಾತಿಗೆ ಎದುರು ಉತ್ತರ ಕೊಡೋದಕ್ಕೆ ಯಾರು ಇರುತ್ತಿರಲಿಲ್ಲ. ಅಲ್ಲದೇ ಬಿಗ್ಬಾಸ್ ಕೊಡುವ ಪ್ರತಿ ಟಾಸ್ಕ್ನಲ್ಲೂ ತಮ್ಮದೇ ಆದ ತಂತ್ರಗಾರಿಕೆ ಮಾಡುತ್ತಿದ್ದರು ಉಗ್ರಂ ಮಂಜು. ಇಷ್ಟೇ ಅಲ್ಲದೇ ಗ್ರೇ ಏರಿಯಾ ಕಿಂಗ್‌ ಅಂತಾ ಕೂಡ ಕರೆಸಿಕೊಂಡರು. ಇದಾದ ಬಳಿಕ ಬಿಗ್ಬಾಸ್ ಮನೆಯ ಕ್ಯಾಪ್ಟನ್‌ ಆಗಿದ್ದ ಉಗ್ರಂ ಮಂಜು ಕಿಚ್ಚನ ಚಪ್ಪಾಳೆ ಕೂಡ ಪಡೆದಿದ್ದರು.
ಆದ್ರೆ, ಕಳೆದ ಕೆಲವು ವಾರದಿಂದ ಉಗ್ರಂ ಮಂಜು ಡಲ್ ಆಗಿದ್ದರು. ಪ್ರತಿ ಸಾರಿಯೂ ಕಿಚ್ಚ ಸುದೀಪ್‌ ಅವರು ಮಂಜುಗೆ ಬುದ್ಧಿ ಮಾತು ಹೇಳಿ ಬದಲಾಗಿ ಅಂತ ಹೇಳಿದ್ದರು. ಆದ್ರೂ ಕೂಡ ಉಗ್ರಂ ಮಂಜು ಅವರಲ್ಲಿ ಬದಲಾವಣೆ ಕಾಣಿಸಲೇ ಇಲ್ಲ.
ಸದ್ಯ ಈಗ ರಜತ್, ತ್ರಿವಿಕ್ರಮ್, ಮೋಕ್ಷಿತಾ ಪೈ ಹಾಗೂ ಹನುಮಂತ ಉಳಿದುಕೊಂಡಿದ್ದಾರೆ. ಈ ನಾಲ್ಕು ಜನರಲ್ಲಿ ಈ ಬಾರಿಯ ಬಿಗ್ಬಾಸ್ ಟ್ರೋಫಿ ಯಾರ ಕೈಗೆ ಸೇರಲಿದೆ ಅಂತ ಇನ್ನೂ ಕೆಲವೇ ಗಂಟೆಗಳಲ್ಲಿ ತಿಳಿದು ಬರಲಿದೆ. ಹೀಗಾಗಿ ವೀಕ್ಷಕರ ಚಿತ್ತ ಬಿಗ್ಬಾಸ್ ಟ್ರೋಫಿ ಮೇಲಿದೆ.