ಆಗುಂಬೆ ಬಳಿ ಮತ್ತೆ ಕಾಡಾನೆ ಪ್ರತ್ಯಕ್ಷ..! ದಸರಾ ಮುಗಿಸಿ ಹೋಗ್ತೇನೆ ಎಂದು ಪಣ ತೊಡ್ತಾ ಕಾಡಾನೆ..!?
ತೀರ್ಥಹಳ್ಳಿ : ಇತ್ತೀಚಿಗೆ ಆಗುಂಬೆ ಗ್ರಾಮಪಂಚಾಯತಿ ಹಾಗೂ ಬಿದರಗೋಡು ಗ್ರಾಮ ಪಂಚಾಯತಿ ವ್ಯಾಪ್ತಿಯ
ಆಗಸರಕೋಣೆ, ಕಾರೆಕುಂಬ್ರಿ, ಜಡ್ಡು, ಮಳಲಿ, ತಲ್ಲೂರು, ಆಗುಂಬೆ, ಉಳುಮಡಿ ಭಾಗದಲ್ಲಿ ಹಾಗೂ
ಸುತ್ತಮುತ್ತಲಿನ ಪ್ರದೇಶದಲ್ಲಿ ಕಾಡಾನೆ ಸಂಚರಿಸುತ್ತಿರುವುದಾಗಿ ಅರಣ್ಯ ಇಲಾಖೆಯ ಪ್ರಕಟಣೆ ಹೊರಡಿಸಿತ್ತು.
ಇದನ್ನು ನೋಡಿ 👉 ತೀರ್ಥಹಳ್ಳಿ ಬಾರ್ಡರ್ ಗೆ ಬಂದಾಗಿನ ವಿಡಿಯೋ
ಶೃಂಗೇರಿ ಭಾಗದಿಂದ ಬಂದಿರುವ ಕಾಡಾನೆ ತೀರ್ಥಹಳ್ಳಿ ಬಾರ್ಡರ್ ಗೆ ಬಂದಿರುವ ವಿಡಿಯೋ ಶಿವಮೊಗ್ಗ ಸುದ್ದಿಯಲ್ಲಿ ಬಿತ್ತರ ಮಾಡಲಾಗಿತ್ತು. ಆದರೆ ಅದು ಸುಳ್ಳು ಎಂಬುದಾಗಿ ಹಲವರು ವಿಮರ್ಶೆ ಮಾಡಿದರು. ಆ ನಂತರ ಆಗುಂಬೆ ಭಾಗಕ್ಕೆ ಕಾಡಾನೆ ಬಂದಿರುವುದು ಹೌದು ಎಂದು ಅರಣ್ಯ ಇಲಾಖೆ ಹಾಗೂ ಪೊಲೀಸ್ ಇಲಾಖೆ ಸ್ಪಷ್ಟಪಡಿಸಿತ್ತು. ಆ ನಂತರ ಕಾಣದೆ ಮಾಯವಾಗಿದ್ದ ಕಾಡಾನೆ ಇಂದು ಆಗುಂಬೆ ಚರ್ಚ್ ಬಳಿ ಕಾಣಿಸಿಕೊಂಡಿದೆ.
ಇದನ್ನು ನೋಡಿ 👉 ಇಂದು ಆಗುಂಬೆ ಬಳಿ ಕಾಡಾನೆ ಕಾಣಿಸಿಕೊಂಡಿರುವ ವಿಡಿಯೋ
ಈಗಾಗಲೇ ಪೊಲೀಸ್ ಇಲಾಖೆಯಿಂದ ಮೈಕ್ ಮೂಲಕ ಮಕ್ಕಳು, ವೃದ್ಧರು ಹೆಚ್ಚಿನ ಜಾಗರೂಕತೆಯಿಂದ ಸಂಚರಿಸಬೇಕು ಹಾಗೂ ಹಾಗೂ ಸಂಜೆ ಆರು ಗಂಟೆಯಿಂದ ಮೇಲ್ಕಂಡ ಗ್ರಾಮಗಳಲ್ಲಿ ವಾಹನಗಳಲ್ಲಿ ಹಾಗೂ ಕಾಲ್ನಡಿಗೆಯಲ್ಲಿ ಅನಗತ್ಯವಾಗಿ ಒಡಾಡಬಾರದೆಂದು ತಿಳಿಸಲಾಗುತ್ತಿದೆ.
Tags:
ಆಗುಂಬೆ ಸುದ್ದಿ